Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

«Шәфкать» үзәге тәрбияләнүчеләренең күңелле ялы

2023 елның 17 марты, җомга

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә Махсус Олимпиада чаралары кысаларында спорт дәресе узды. Балалар хәрәкәтчән рус халык уеннары уйныйлар, җитезлек, көч һәм тапкырлыкта ярыштылар. Дәрес хәрәкәт активлыгын, коммуникатив күнекмәләрне, балалар арасында дуслык мөнәсәбәтләрен формалаштыруга юнәлдерелгән иде.

Шулай ук тернәкләндерү үзәгендә балаларны патриотик тәрбияләүгә зур игътибар бирелә. Шушы көннәрдә яшүсмерләр өчен җыр бәйгесе үткәрелде. Катнашучылар сугыш еллары җырларын, кинофильмнардан композицияләрне искә төшерделәр. Мондый чаралар иҗади сәләтләрне үстерә, рухи кыйммәтләр һәм патриотик хисләр формалаштыра.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

Министр Эльмира Зарипованың Әниләр көне белән котлавы

Менә инде чирек гасырдан артык ноябрьнең соңгы якшәмбесендә Россиядә Әниләр көне билгеләп үтелә. Бу бәйрәм хатын-кызның мактаулы хезмәтен данлый, ана булуның социаль әһәмиятен арттыра.

Түбән Каманың «Шәфкать» үзәгендә «Яңа офыклар» проектын гамәлгә ашыру тәмамланды

Түбән Кама районының «Шәфкать» халыкка социаль хезмәт күрсәтү комплекслы үзәгендә Авыр тормыш хәлендә калган балаларга ярдәм фонды гранты акчаларына «Өйдә микротернәкләндерү үзәге» социаль хезмәтен булдыру буенча «Яңа офыклар» проектын гамәлгә ашыру төгәлләнде.

Татарстан Республикасы ветераннары халыкара элемтәләрне ныгыта

Татарстан Республикасы белән Үзбәкстан Республикасының Бохара өлкәсе арасында хезмәттәшлек һәм Рөстәм Миңнехановның 2024 елның 26 июлендә Бохара өлкәсе хакиме Батыр Зарипов белән очрашуында ирешелгән килешүләр кысаларында, шулай ук тугандаш халыкларның ветеран оешмалары арасында хезмәттәшлек һәм Бөек Ватан сугышында Җиңүнең 80 еллыгын бәйрәм итү максатларында Татарстан Республикасы Хезмәт, халыкны эш белән тәэмин итү һәм социаль яклау министрлыгы ветераннарның Үзбәкстанга сәфәрен оештырды.

Министрлык карамагындагы учреждениеләрдә Әниләр көнен билгеләп үтәләр

Чаралар Татарстанның барлык халыкка социаль хезмәт күрсәтү учреждениеләрендә уза. Анда концертлар, кызыклы очрашулар, ярдәм акцияләре, мастер-класслар, балалар һәм әниләрнең уртак дәресләре, уен программалары һәм башкалар үткәрелә.

ЯҢАЛЫКЛАРГА ЯЗЫЛУ