Яр Чаллыда социаль хезмәт алучылар театрда булып кайттылар

2023 елның 14 марты, сишәмбе

Яр Чаллы шәһәренең «Изгелек» инвалидларны тернәкләндерү үзәгенең көндезге тору бүлегендә социаль хезмәт алучылар Яр Чаллы татар дәүләт драма театрында булдылар.

Тамаша башланганчы театр бинасы буенча экскурсия оештырылды. Кунаклар гардероб, билет кассасы кайда икәнен белделәр, зур һәм кечкенә тамаша залларын карадылар, буфетта булдылар. Аннары тернәкләндерү үзәге белгече театрда үз-үзеңне тоту кагыйдәләрен искә төшерде.

Тамашачылар игътибарына татар шагыйре Фатих Кәримнең иҗаты һәм язмышы турында спектакль тәкъдим ителде.

Чарада сигез кеше катнашты.