«Изгелек» тернәкләндерү үзәгендә мини-тренинг узды

2023 елның 9 марты, пәнҗешәмбе

Бүген Яр Чаллы шәһәренең «Изгелек» инвалидларны тернәкләндерү үзәгендә «Эмоцияләрнең шәхесләр арасындагы үзара бәйләнешенә йогынтысы» дигән мини-тренинг узды. Чара үз һәм башкаларның эмоцияләрен тану һәм аңлау күнекмәләрен үстерүгә, уңай шәхесләр арасындагы коммуникацияләрне булдыруга һәм саклауга юнәлдерелгән.

Үзәк психологы социаль хезмәт алучыларга берничә күнегү тәкъдим итте, шулай ук «Мин һәм минем хисләрем» темасына дискуссия үткәрелде. Тренингтан соң катнашучылар мондый дәресләр үз-үзеңне, үз хисләреңне, халәтләреңне аңларга өйрәтә һәм нәтиҗәдә башка кешеләр белән нәтиҗәле аралашуга китерә, дип билгеләп үттеләр.

Тренингта 10 кеше катнашты.