Яшел Үзәнлеләрне эш бирүче белән очрашуга чакыралар

2023 елның 16 феврале, пәнҗешәмбе

20 февраль көнне Яшел Үзән шәһәренең халыкны эш белән тәэмин итү үзәге «Татарстан агач эшкәртү комбинаты» ҖЧҖ катнашында эш бирүче көне үткәрәчәк. Предприятиегә төягечле машина йөртүчеләр, автомат һәм ярым автомат станок линияләре операторлары, программа белән идарә ителүче станоклар операторлары, пакет җыючылар, автомобильләрне ремонтлау буенча слесарьлар, электромонтерлар һ. б. кирәк. Хезмәт хакы күләме 36 000 сумнан башлана.

Эш бирүче көненә теләгән һәркем килә ала. Чара 13.00 сәгатьтән 15.00 сәгатькә кадәр Яшел Үзән шәһәре, Татарстан ур., 1 йорт адресы буенча узачак.

Белешмәләр өчен телефон: (84371) 5-54-02.