Якташ шагыйрьләр иҗаты белән танышу аша балаларга патриотик тәрбия бирү

2023 елның 15 феврале, чәршәмбе

Түбән Каманың «Веста» гаиләгә һәм балаларга социаль ярдәм үзәге белгече Марта Камалова 6 нчы социаль участокта «Муса Җәлил – герой шагыйрь» дигән төркемле чара уздырды. Чараның максатлары – татар шагыйренең тормышы һәм иҗаты белән танышу, патриотлык хисе тәрбияләү.

Дәрес барышында балалар шагыйрь тормышыннан кызыклы фактлар, аның катлаулы балачак һәм яшьлек еллары, әдәби эшчәнлеге турында белделәр. Катнашучыларга Муса Җәлилнең Бөек Ватан сугышында катнашуы, берни дә аның көчле рухын сындыра алмавы турындагы хикәя бик нык тәэсир итте.

Балалар шулай ук «Моабит дәфтәре» автобиографик шигырьләр китабы белән таныштылар. Марта Камалова катнашучыларга Муса Җәлилнең барлык әсәрләре белән танышырга, якташлары белән горурланырга киңәш итте.