Социаль приютларда балаларны патриотик тәрбияләүгә игътибар бирелә
Яшь буынга рухи-әхлакый һәм патриотик тәрбия бирү максатыннан 12 февральдә Алексеевскиның «Кайгырту» балалар һәм яшүсмерләр өчен социаль приютында «Ватанны кем яклый?» чарасы узды.
Чара истәлекле даталар буенча кечкенә сораштыру белән башланды. Балалар 23 февральдә Ватанны саклаучылар көне билгеләп үтелүен искә төшерделәр. Аннары тәрбияче Виктор Лифанов балаларга күптөрле гаскәр һәм хәрби белгечлекләр турында сөйләде, солдатларның авыр, әмма шул ук вакытта җаваплы һәм мактаулы хезмәте турында сөйләде. Балалар уен формасында хәрби техниканы, диңгезчеләр, очучылар, танкистлар, чик сакчылары, десантчылар, хәрби табиблар һәм башка хәрби хезмәткәрләрнең җиһазлануын атарга өйрәнделәр.
Дәрес ахырында балалар Ватанны саклаучыларның батырлыгы турында танып белү видеоролигын карадылар.