«Кайгырту» үзәге балалар өчен «Чебурашка» фильмын карауны оештырды

2023 елның 8 феврале, чәршәмбе

Мамадыш районы «Кайгырту» комплекслы үзәгенең гаиләгә һәм балаларга социаль ярдәм бүлекчәсе белгечләре 6 февральдә Балачак унъеллыгы чаралары планын үтәү кысаларында яшь социаль хезмәт алучылар өчен «Чебурашка» дигән гаилә фильмын карау оештырды.

Чара балаларны социальләштерүгә юнәлдерелгән иде. Алар җәмәгать урыннарында үзләрен тотарга, тирә-юньдәге тамашачыларга комачауламаска өйрәнделәр. Балалар тамашачыларның киносеанска билетлар алуын, билетлар буенча ничек утыруларын күзәттеләр.

Фильм буенча фикер алышу барышында балалар дуслык һәм үзара аңлашу теләсә нинди авырлыкларны җиңәчәк дигән нәтиҗәгә килделәр.