«Юлдаш» интернат-йортында яшәүчеләр фейсфитнес үзләштерәләр
Чистайның «Юлдаш» өлкәннәр һәм инвалидлар өчен интернат-йортында социаль хезмәт алучылар арасыннан өлкән яшьтәге гражданнар «Россия озын гомерлелеге» социаль хәйрия проектында катнашалар. Проект өлкәннәрнең көндәлек көнкүрешенә сәламәт яшәү рәвеше принципларын кертүгә, тормыш сыйфатын яхшырту өчен шартлар тудыруга юнәлдерелгән.
2022 елның сентябреннән алып хәзерге вакытка кадәр проектта катнашучылар белгеч Ирина Баранова җитәкчелегендә «Фейсфитнес» юнәлеше буенча курс уза, аңа бит һәм тән лимфодренаж гимнастикасы, сулыш гимнастикасы керә.
Проектны тормышка ашыруда 11 социаль хезмәт алучы катнаша. Алар бит һәм тән мускулларын күтәрү өчен күнегүләр ясыйлар, бу тиренең эластиклыгын арттыра, лимфа агымын һәм кан агымын активлаштыра.
Проект өлкән яшьтәге гражданнарны сәламәт яшәү рәвешенә этәрә.