Арча районында Инвалидлар декадасын концерт белән тәмамладылар

2022 елның 13 декабре, сишәмбе

Арча район мәдәният йортында «Мин яратам сине, тормыш!» сәламәтлек мөмкинлекләре чикләнгән кешеләр катнашында концерт узды. Чара инвалидлар ункөнлеген япты.

Концертта «Луч–2022. Хис итә белгән кешеләр» Бөтенроссия фестиваль-конкурсы дипломанты – «Позитифф» дуэты чыгыш ясады. «Шәфкать үзәге» комплекслы үзәгенең социаль хезмәтләрен алучылар Тимур Солтанов һәм Рәфис Галиев «Районнар-кварталлар» җырын башкардылар. Тамашачылар бик теләп кушылып җырладылар һәм алкышладылар.