Татарстанлылар адаптив физкультура мәсьәләләренә багышланган конференциядә катнаша ала

15 декабрьдә Түбән Новгород өлкәсендә «Түбән Новгород өлкәсенең тауга менү федерациясе» төбәк иҗтимагый оешмасы, Н.И. Лобачевский исемендәге Милли тикшеренү дәүләт университетының Реабилитация һәм кеше сәламәтлеге институты белән берлектә, «Адаптив тауга менү һәм адаптив физик культураның башка заманча практикалары» дигән III Халыкара фәнни-гамәли конференция үткәрә.

Конференция Президент грантлары фонды, Стратегик инициативалар агентлыгы, Түбән Новгород өлкәсе хөкүмәте һәм Түбән Новгород өлкәсе Социаль сәясәт министрлыгы ярдәмендә үткәрелә. Оештыручылар конференциядә тренер-укытучыларны, табибларны, методистларны, адаптив һәм дәвалау физкультурасы буенча инструкторларны, укытучыларны, фәнни хезмәткәрләрне, социаль юнәлешле коммерциячел булмаган оешмалар вәкилләрен катнашырга чакыралар.

Конференциянең эш юнәлешләре:

- инвалидларны социализацияләүдә һәм физик реабилитацияләүдә адаптив спортның роле;

- адаптив физик культура һәм адаптив тауга менү үсешенең перспектив юнәлешләре;

- адаптив менү дәресләрендә диагностик мөмкинлекләр;

- психик бозулар булган затларга адаптив тауга менү буенча ярышлар уздыру мөмкинлеге;

- адаптив тауга менү белгечләрен укыту;

- адаптив тауга менү буенча дәресләр оештыру буенча методик киңәшләрне тәкъдир итү.

Конференцияне катнаш форматта үткәрү күздә тотыла. Конференциядә катнашу өчен 14 декабрьгә кадәр алдан электрон теркәлүне узарга кирәк.