«Изгелек» үзәгендә спорт-сәламәтләндерү чаралары узды

2022 елның 12 декабре, дүшәмбе

Бүген Яр Чаллының «Изгелек» инвалидларны тернәкләндерү үзәгендә Махсус Олимпиадага әзерлек кысаларында «Күңелле стартлар» дигән спорт-сәламәтләндерү чарасы уздырылды. Чарада көндезге бүлекчәнең 10 социаль хезмәт алучысы катнашты.

Чараның максатлары: физик һәм психик яктан тайпылышлары булган яшьләрне системалы физкультура-сәламәтләндерү чараларына җәлеп итү, уеннар һәм эстафеталар аша сәламәт яшәү рәвешен пропагандалау.

Чара комплекслы эстафета формасында узды, аңа төрле хәрәкәт эшчәнлеге һәм катнашучыларның физик әзерлеге нигезендә төрле спорт төрләре элементлары керә.