«Здравушка» тернәкләндерү үзәгендә Әниләр көне

2022 елның 26 ноябре, шимбә

Казанның «Здравушка» мөмкинлекләре чикле балалар һәм яшүсмерләр өчен тернәкләндерү үзәгендә Әниләр көне узды. Балаларның әти-әниләре өчен татар эстрадасы йолдызлары – Татарстан Республикасының атказанган артисты Булат Нигъмәтуллин һәм Татарстан Республикасының халык артисты Рәсим Низамов катнашында бәйрәм концерты оештырылды.

Әниләр күңел ачу программасын караган вакытта балалар мастер-класста катнаштылар. Аны «Здравушка» педагоглары «Олимп» балалар иҗат үзәге белгечләре белән берлектә оештырдылар.

Чара гаилә кыйммәтләрен пропагандалауга һәм аналык институтының әһәмиятен арттыруга юнәлдерелгән иде.