Укучылар белән интернет-киңлектә үз-үзеңне куркынычсыз тоту турында әңгәмәләр
Минзәлә халыкка социаль хезмәт күрсәтү комплекслы үзәге белгече Ольга Рекальцева Николай гомуми белем бирү мәктәбендә «Интернет челтәрендә ничек дус булырга» дигән чара уздырган.
Чара «Циффрлы гигиена» эш программасын гамәлгә ашыру кысаларында оештырылган һәм заманча мәгълүмати мохиттә балигъ булмаганнарга җаваплы һәм куркынычсыз тәртип тәрбияләүгә, интернет этикетына өйрәтүгә юнәлдерелгән.
Чара башында укучыларга блиц-сораштыруда катнашырга тәкъдим иттеләр, нәтиҗәдә аларның барысы да интернеттан, социаль челтәрләрдән һәм мессенджерлардан файдалануы, ә күп кенә балалар шулай ук онлайн-уеннар уйнавы ачыкланды.
Алга таба белгеч укучыларга интернетта дус булырга өйрәнә торган кыз турындагы әкиятне бергә укырга тәкъдим итте. Шулай ук интернетта аралашу системасының ничек оештырылуына игътибар иттеләр, интернетта әдәпле аралашу һәм үз-үзеңне тоту кагыйдәләрен искә төшерделәр һәм тикшерделәр, үзләренең һәм башкаларның шәхси мәгълүматлары белән дөрес мөгамәлә итү турында уйландылар, интернет җинаятьчеләре кулларына эләкмәү турында сөйләштеләр.
Ахырда балалар хәзерге тормышта интернет кирәк дигән нәтиҗәгә килделәр.