«Тәтеш балкышы» карамагындагылар – спорт һәм сәламәтлек яклы
«Тәтеш балкышы» халыкка социаль хезмәт күрсәтү комплекслы үзәгенең көндезге бүлегендә сәламәтләндерүгә зур игътибар бирелә.
Шушы көннәрдә үзәктә «Спорт һәм сәламәтлек өчен» дигән чираттагы спорт чарасы узды, анда «Форпост» җәмәгать тәртибен саклау буенча яшьләр оешмалары үзәгенең педагог-оештыручысы Ләйлә Миңнуллина чакырылган иде.
Белгеч егетләр һәм кызлар өчен «Дженга» һәм «Баланслау тактасы» такта уеннары оештырды, физкультминут үткәрде. Чара бию флешмобы белән тәмамланды.
Дәрес барышында көндезге төркемнең социаль хезмәт алучылары спорт сәламәтлекне ныгытырга ярдәм итә, ә сәламәтлек – һәр кешенең тормышында иң зур кыйммәт дигән нәтиҗәгә килделәр. Спорт белән шөгыльләнеп, кеше көчле һәм сәламәт була, хәрәкәтчәнлекне, дәртне һәм энергияне саклый.