Татарстан Хөкүмәте 2023 елга айлык түләүләр күләмен билгеләде
Татарстан Республикасының Министрлар Кабинеты 2023 елга айлык акчалата һәм башка түләүләр күләмен билгеләде.
Татарстан Хөкүмәте Карары республиканың хокукый мәгълүмат порталында урнаштырылган.
Шулай итеп, 2023 елның 1 гыйнварыннан «Татарстан Республикасында халыкка адреслы социаль ярдәм күрсәтү турында» Татарстан Республикасы Законының 4-8 статьяларында каралган түләүләр, шул исәптән хезмәт ветераннарына, дәүләт бүләкләренә лаек булган гражданнарга, реабилитацияләнгән гражданнарга, ятим балаларга һәм ата-ана каравыннан мәхрүм калган балаларга түләүләр 1,061%ка индексацияләнәчәк.
2023 елда айлык түләүләр күләме:
хезмәт ветераннарына, дәүләт бүләкләре белән бүләкләнгән затларга – 581 сум;
1941-1945 елларда тылда кимендә 6 ай эшләгән затларга – 867 сум;
сәяси репрессияләрдән зыян күргән дип танылган гражданнарга – 727 сум;
ата-ана тәрбиясеннән мәхрүм калган ятим балаларга – 10 326 сум (мәктәпкәчә яшьтәге балалар өчен) һәм 11 907 сум (укучылар өчен);
ятим балаларга юл өчен түләү – 354 сум.