Бөгелмә районында социаль акция үткәргәннәр

«Экстремизмга – юк!» декадасы кысаларында Бөгелмә районы «Салават күпере» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Альбина Титова социаль участокта «Терроризм һәм экстремизм. Балаларыбызны яклыйк» дигән чара үткәрде.

Чара террорчылыкка каршы аңны, толерантлыкны үстерү, көч куллануны һәм экстремизмны кабул итмәү, террорчылык акты янаганда шәхси куркынычсызлыкны тәэмин итүгә юнәлтелгән иде. Шәһәр халкына «Яшьләр мохитендә экстремизмны профилактикалау», «Стоп террорчылык», «Террорчылык актларына янаганда», «Толерантлык белешмәсе» кебек буклетлар тапшырылды.

Акцияне оештыручы сүзләренчә, барлык катнашучылар да терроризм һәм экстремизм күренешләренә тискәре мөнәсәбәт белдергән.