«Кама таңнары» приютында тәрбияләнүчеләр вакытны күңелле үткәрә
2 сентябрьдә педагоглар Т.В. Чернова һәм В.И. Нетребина «Ерак көнчыгыш җиңүе» дигән батырлык сәгате үткәрделәр. Тәрбиячеләр балаларга бу тарихи вакыйга турында сөйләделәр һәм һәлак булган геройларны бер минут тынлык белән искә алдылар.
3 сентябрьдә «Кама таңнары» приютында тәрбияләнүчеләр Бала хокуклары турында декларация белән таныштылар һәм «Хокук лабиринтларында» дигән хокукый навигаторда катнаштылар. Җиңел уен формасында балалар декларациянең төп нигезләмәләре белән таныштылар һәм «Шифрланган хокуклар» һәм «Хокукый мәкальләр» конкурсларында, «Буратиноны саклыйк» һәм «Әкиятне фаразла» уеннарында катнашып, үз белемнәрен ныгыттылар.
Менделеевскиның «Кама таңнары» социаль приютында «Планетаны саклыйк!» дигән экологик чара узды.
Чара вакытында планетабызда булган экологик проблемалар кузгатылды. Балалар әлеге темага кроссвордлар чиштеләр һәм «Планетаны чисталыкта саклыйк!» дигән плакатлар конкурсында ярыштылар.
Менделеевскиның «Кама таңнары» социаль приюты педагоглары «Куркынычсызлык иленә сәяхәт» дигән темага «КВН» уены уздырганнар.
Күңел ачу командаларны сәламләү һәм юл хәрәкәте кагыйдәләре турында шигырь уку белән башланды. Аннары балалар командалар капитаннарын билгеләделәр.
Балалар «Ашыгыч хезмәтләр транспортын атагыз», «Йорт куркынычсызлыгы турында» cорау-җавап» кебек конкурсларда катнаштылар. Шулай ук приют карамагындагылар «Даруларны дустыңа илт» спорт эстафетасы вакытында күңел ачтылар. Күңел ачу «Музыкаль бирем» тамашасы белән тәмамланды.
Барлык этаплар нәтиҗәләре буенча ике команда да тигез нәтиҗә күрсәттеләр. Кичә «Хезмәткә һәм оборонага әзер» станцияләре буенча спорт уены белән тәмамланды.