«Салават күпере» үз карамагындагыларга виртуаль экскурсия оештырды
Бөгелмәнең «Салават күпере» халыкка социаль хезмәт күрсәтү комплекслы үзәгендә Бөгелмәнең барлыкка килү тарихы, аның күренекле кешеләре һәм мәдәни һәйкәлләре турында сөйләгәннәр.
Чара «Мин — патриот, Мин —гражданин» программасын гамәлгә ашыру кысаларында узды һәм Татарстан Республикасы көненә багышланган иде.
Гаилә һәм балаларга социаль ярдәм күрсәтү бүлегенең социаль эш буенча белгечләре Светлана Кирдина һәм Марина Токмачева, балаларда туган як турында күзаллауны формалаштыру, аларда танып-белү кызыксынуын, Ватанга мәхәббәт тәрбияләү өчен чара оештырдылар.
Чарага үзәк китапханәнең әйдәп баручы китапханәчесе Любовь Дорофеева чакырылган иде.
Чара башында балигъ булмаганнар Бөгелмә һәм Татарстан турында китаплар, буклетлар һәм белешмәлекләр күргәзмәсе белән таныштылар.
Китапханәче шәһәрнең барлыкка килү тарихы, танылган кешеләр, мәдәни һәйкәлләр һәм борынгы биналар турында сөйләде.
Аннан соң балалар шәһәрнең истәлекле урыннары буенча виртуаль экскурсия кылдылар.
Очрашуда катнашучылар уен формасында тасвирламалар язылган белешмәлекләр тараттылар, анда шәһәребезнең һәйкәлләре һәм музейлары сурәтләнгән иде. «Урамның исемен хәрефләр белән җый» уены һәм республика турында ребуслар балаларны бик тәэсир итте.
Чара ахырында балалар «Туган ягыңны беләсеңме?» дигән туган якны өйрәнү викторинасында катнаштылар.
Балалар бердәм итеп сорауларга җавап бирделәр, үз ватаннары турында яхшы белемнәр күрсәттеләр һәм «Бөгелмә укый-2022» китап мәдәнияте фестиваленә чакырылдылар.