Агач осталыгы түгәрәгенә йөрүче балалар өлкәннәргә үз куллары белән ясаган эскәмияләр бүләк иттеләр
Болгар шәһәренең Изге Авраам гыйбадәтханәсе каршында агач осталыгы түгәрәгенә йөрүче балалар Спас өлкәннәр һәм инвалидлар интернат-йортына бардылар.
Балалар өлкән остазлары белән интернат-йортта яшәүчеләргә үз куллары белән ясаган эскәмия һәм дүрт кашпо бүләк иттеләр.
Сүз уңаеннан, агач осталыгы түгәрәгенә йөрүче балалар учреждениегә беренче тапкыр гына бүләкләр тапшырмыйлар. Бу елның язында балалар гыйбадәтханә остазлары белән бергә өстәл һәм бүлмә үсемлекләре савытлары ясадылар.
Яшь кунакларга тыл хезмәтчәне Раисә Зюкалина рәхмәт белдерде. Раиса Зюкалина балаларның игелеген, хезмәт сөючәнлеген, ярдәмчеллеген билгеләп үтте һәм аларга укуларында уңышлар теләде.
«Безнең интернат-йортта агач осталыгы түгәрәгеннән балаларны күрү бик куанычлы. Алар үзләре белән шатлык алып килә. Өлкәннәр балалар янәшәсендә җанланып китәләр, балачагын искә алалар, тормыш тәҗрибәсе белән уртаклашалар. Балалар хезмәт китергән файданы күреп шатланалар. Мондый очрашулар төрле буын вәкилләре арасындагы элемтәләрне ныгыта», – дип билгеләп үтте интернат-йорт белгечләре.
Исегезгә төшерәбез, Изге Авраам храмы каршындагы агач осталыгы түгәрәге Президент грантлары фонды акчасына эшли.