Озак вакытлы карау системасы: гражданнарның иминлеге турында кайгыртучанлык
Хафизова Әфкәрия Мөксин кызы Татарстан Республикасы Ютазы муниципаль районындагы «Гармония» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлегендә 2015 елдан бирле тора. Әби ялгыз яши. Кызы башка шәһәрдә яшәгәнгә күрә әнисе янына еш кайта алмый. Әнисенең хәле өчен борчылу аны җиде ел элек «Гармония» социаль хезмәт күрсәтү үзәгенә мөрәҗәгать итәргә мәҗбүр иткән.
«Башка шәһәрдә яшәгәнем өчен бик борчылдым, әни минем яныма күченергә баш тартты. Сәламәтлеге начарлану сәбәпле, ул мөстәкыйль рәвештә йөри, үзенә ашарга пешерә, өйдә җыештыра алмый. Бу эштә аңа социаль хезмәткәр Нурия Сәетгалиевна булыша, ул аңа 2015 елдан бирле хезмәт күрсәтә. Әнием туган өендә яшәргә калды, аның өчен бу бик мөһим», – ди кызы Әфкәрия апаның кызы.
Сүз уңаеннан, агымдагы елның 1 августына 272 татарстанлы социаль хезмәт күрсәтүдә тора. Өлкән яшьтәге гражданнар һәм инвалидлар социаль-тернәкләндерү хезмәтләре ала, бу хезмәтләр аларның сәламәтлеге торышында уңай чагылыш таба. «Демография» милли проектының «Өлкән буын» федераль проекты кысаларындагы чараларның төп максаты булып өлкәннәр һәм инвалидларның өйдә максималь озак яшәү өчен шартлар тудыру тора.