Казанда «Актив озын гомерлелек» программасы тормышка ашырыла
«Демография» милли проекты һәм «Актив озын гомерлелек» программасын тормышка ашыру кысаларында Казан шәһәре Киров районы халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе белгечләре Ветераннар советы белән берлектә өлкән яшьтәге гражданнар өчен «Сәламәт туклану» дигән чара уздырганнар.
Дәрес барышында медицина хезмәткәре, тренер Артамонова Е.А. катнашучылар белән өлкән яшьтә дөрес туклану турында интерактив әңгәмә үткәрде.
Әңгәмә барышында дөрес туклану буенча тәкъдимнәр әйтелде: оптималь калорияләр, баланс, режим. Сезонлы яшелчәләр, җиләк-җимешләр рационында булу зарурлыгына аерым игътибар бирелде.
Катнашучылар яшелчә рагусы һәм витаминлы салат әзерләү буенча кулинария мастер-классында катнаштылар.
Өлкән буын гражданнары белән мондый чаралар тормыш сыйфатын күтәрүгә, физик, социаль һәм психологик иминлек өчен мөмкинлекләрне киңәйтүгә юнәлдерелгән.