«Өмет» үзәге белгечләре йөкле хатыннарга психологик ярдәм күрсәтәләр
«Яңа туган баласын кабул итүгә шикләнүче хатын-кызларга социаль ярдәм күрсәтү буенча ведомствоара хезмәттәшлек» технологиясен тормышка ашыру кысаларында Биектау районы «Өмет» халыкка социаль хезмәт күрсәтү комплекслы үзәге психологы тарафыннан «Бала табудан соң депрессияне кисәтү ысуллары» дигән темага төркемле дәрес уздырылган. «Йөкле хатыннарга психологик ярдәм күрсәтү: анадан баш тарту турында карарларны профилактикалау, аңлы ата-ана позициясен формалаштыру» программасы буенча үткәрелгән дәрестә 6 яшь әни катнашты.
Ана компетенциясен формалаштыру һәм психологик һәм физиологик сәламәтлекне ныгыту максатыннан яшь әниләр Шульц буенча аутоген тренировка уздылар.
Моннан тыш, белгеч яшь әниләрнең шәхесләренә психологик анализ ясады. Чара барышында «Минем гаиләм бер елдан соң», «Социаль атом» дигән проект методикаларын куллану нигезендә ана булуга әзерлекне билгеләделәр. Шулай итеп, яшь әниләрнең бала тудыруга максатчан позициясе формалашкан.
Дәреснең төп өлеше ана һәм бала өчен мохит формалаштыруга юнәлтелгән иде. Яшь әниләр интерактив тренинг режимында бала табудан соң депрессияне профилактикалау ысуллары белән таныштылар. Визуализация, релаксация, үз-үзеңә гипноз техникасы яшь әниләрдә үз-үзләрен җайга салу күнекмәләрен үстерүгә ярдәм итте.