«Веста» үзәге карамагындагы балаларга социаль челтәрләрнең куркынычлыгы һәм өстенлекләре турында сөйләделәр
Татарстан Республикасында Цифрлаштыру елы кысаларында Түбән Каманың «Веста» гаиләгә һәм балаларга социаль ярдәм үзәге белгече Ләйсән Суниева 1нче социаль участокта балигъ булмаганнарның мәгълүмати куркынычсызлыгын формалаштыру һәм хокук бозуларны профилактикалау буенча «Социаль челтәрләр: төркемнәр һәм берләшмәләр» дигән темага төркемле дәрес үткәрде. Дәрестә 14 балигъ булмаган социаль хезмәт алучы катнашты.
Чара социаль челтәрләрдә интернет-берләшмәләрнең үзенчәлекләрен һәм аларның балаларга йогынтысы турында фикер алышу һәм өйрәнү максатыннан үткәрелде.
Төркем дәресе «Пәрәвез» уены белән башланып китте, аның барышында катнашучылар пәрәвезне Бөтендөнья пәрәвезе белән чагыштырдылар. Балалар социаль челтәрләрнең уңай һәм тискәре яклары турында уйладылар. Интернет-төркемнәр турында сөйләгәндә, белгеч барлыкка килергә мөмкин куркынычлар турында сөйләде, куркынычсыз төркемнәр сайлау буенча киңәшләр бирде һәм аларда аралашу кагыйдәләрен санап үтте.
Аннары балаларга үзләренең интернет-төркемнәрен уйлап табырга тәкъдим ителде. Катнашучылар командаларга берләшеп интернет-төркемгә исем уйлап таптылар, аның максатын һәм бурычларын билгеләделәр. Үзәк карамагындагылар интернет үз контентыңны булдыру һәм иҗади проектларны тормышка ашыру өчен мөмкинлекләр бирә дигән нәтиҗәгә килделәр, шул ук вакытта куркынычсызлык турында да онытмаска кирәк.
Дәрес ахырында балалар педагог ярдәме белән социаль челтәрләрдә куркынычсызлык кагыйдәләрен формалаштырдылар, алар теләсә кайсы яшьтәге кулланучыларга туры килә. Катнашучылар вакытны күңелле үткәрделәр, бик күп файдалы мәгълүмат алдылар.