«Исток-Башлангыч» үзәгендә озак вакытлы карау системасын гамәлгә ашыру турында
Лениногорск муниципаль районында 2021 елдан өлкән яшьтәге гражданнарны һәм инвалидларны озак вакыт карау системасы гамәлгә ашырыла. «Исток-Башлангыч» халыкка социаль хезмәт күрсәтү комплекслы үзәгендә социаль хезмәт алучыларны көн саен караудан тыш, түбәндәге технологияләр гамәлгә ашырыла:
«Тернәкләндерү һәм карау мәктәбе» – инвалидларны, өлкән яшьтәге гражданнарны карауны гамәлгә ашыручы туганнарны һәм башка затларны гомуми тәрбия принципларына, үз-үзеңә хезмәт күрсәтү методларына һәм башкаларга өйрәтү;
«Мобиль бригада» – өлкән яше, сәламәтлек торышы, конкрет тормыш хәле аркасында социаль ярдәм күрсәтүгә мохтаҗ булган гражданнарга тиз арада ярдәм күрсәтү, гражданнарның ашыгыч социаль ярдәмгә мохтаҗлыгына бәйле сәбәпләрне бетерү буенча чаралар күрү;
«Өлкән кешене тәрбиягә алган гаилә» – стационар формада социаль хезмәт күрсәтүгә мохтаҗ өлкән яшьтәге кешене гаиләгә урнаштыру.
«Исток-Башлангыч» үзәге өчен төп приоритет – ул кеше, аның проблемалары һәм ихтыяҗлары. Социаль тармак белгечләре һәркем алга таба да үзе өчен гадәти мохиттә яши алсын, социаль хезмәткәрнең кайгыртучанлыгын тойсын өчен тырышалар.