«Изгелек» үзәге тернәкләнүчеләре тематик викторинада катнаштылар

2022 елның 22 июне, чәршәмбе

Татарстан Республикасында Цифрлаштыру елы кысаларында бүген Яр Чаллы шәһәренең «Изгелек» инвалидларны тернәкләндерү үзәге базасында Хәтер һәм кайгы көненә багышланган интерактив викторина үткәрелде.

Социаль хезмәт алучылар «22 июнь – Хәтер һәм кайгы көне» дигән видеороликлар карадылар, интерактив викторина сорауларына җавап бирделәр, төп тарихи вакыйгаларны искә төшерделәр. Белгеч бу көнне үткәрелә торган акцияләр турында искә төшерде: Бөтен Россия территориясендә оештырыла торган Бөек Ватан сугышында һәлак булганнар истәлегенә бер минутлык тынлык, «Хәтер шәме» акциясе һ.б.

Чарада 10 кеше катнашты.