Буа интернат-йорты карамагындагылар урманга сәяхәткә бардылар
Өлкәннәр сәламәтлеген яхшыртуга һәм аларның физик активлыгын күтәрүгә юнәлдерелгән «Һавадан сәламәтлек» проектын тормышка ашыру кысаларында Буа өлкәннәр һәм инвалидлар өчен интернат-йортында белгечләр даими рәвештә социаль хезмәтләр алучылар өчен урманга сәяхәт оештыралар. Бүгенге сәфәрнең максаты – фитобарда хуш исле чәй әзерләү өчен үсемлекләр җыю иде.
«Май – дәвалау үләннәре һәм үсемлекләр җыю вакыты. Аерым яфракларны һәм үсемлекләрне нәкъ менә язын, чәчәк атканчы, аларда файдалы матдәләр күбрәк булганда җыярга кирәк», – диләр интернат-йорт белгечләре. Балалар бик теләп каен, карлыган, гөлҗимеш, кычыткан җыйдылар. Өлкән кешеләр дару үләннәрен җыюның төп кагыйдәләрен искә төшерделәр. Алар турында интернат-йортта яшәүчеләргә лекцияләр барышында оешманың медицина персоналы сөйли.
Мондый чаралар өлкән яшьтәге кешеләрнең кәефен яхшырта.