Спас интернат-йортында актив ял көне узды

Спас өлкәннәр һәм инвалидлар өчен интернат-йортының социаль хезмәт алучылары әңгәмә, викторинада катнаштылар, скандинавия йөреше белән шөгыльләнделәр. Саф һавада тематик аралашу сәламәт туклану һәм артык ризыктан баш тарту көне кысаларында оештырылды, ул 2 июньдә билгеләп үтелә.

Социаль тернәкләндерү буенча белгеч Наталья Иванова тәрбияләнүчеләргә көн режимы турында искә төшерде, ә тәрбияче Ирина Телицына скандинавия йөреше буенча практик дәрес үткәрде. «Сәламәт яшәү рәвеше һәм дөрес туклану – иртәгәсе көн турында уйлау», – дип билгеләп үтте остазлар.

Шул ук көнне социаль хезмәтләр алучылар Надежда Оленичева, Алексей Сумбулов һәм Геннадий Шабаллин бакчада эшләделәр, клубларны тәртипкә китерделәр.