Алабугада интеллектуаль уеннар буенча турнир узды
Алабуга өлкәннәр һәм инвалидлар өчен интернат-йортында кызыклы шахмат-шашка турниры узды. Чарада Алабуга психик бозылулары булган гражданнар өчен билгеләнгән өлкәннәр һәм инвалидлар өчен интернат-йортында социаль хезмәт алучылар, шулай ук ветераннар (пенсионерлар) иҗтимагый оешмасы катнашты.
Әлеге өстәл уеннарының төп өстенлекләренең берсе булып берьюлы ике баш мие ярымшарын җәлеп итү тора. Алар кыска вакытлы һәм озак вакытлы хәтерне яхшырту һәм үстерүгә нәтиҗәле ярдәм итә, интеллектуаль эшчәнлекне стимуллаштыра, организмның картаю процессларын акрынайта.
Ярыш нәтиҗәләре буенча беренче урынны Константин Немирский (психик бозылулары булган гражданнар өчен билгеләнгән интернат-йорт) алды, көмеш һәм бронза медальне картлар һәм инвалидлар өчен интернат-йорты карамагындагылар Геннадий Щукин һәм Анатолий Беланов яулады. Шашкачылар арасында шулай ук учреждение уенчысы Юрий Пустынин да иң көчле булып чыкты.
Очрашу бик җылы һәм күңелле булды. Катнашучылар лаеклы көндәшләр белән уеннан һәм дуслар белән аралашудан бик канәгать калдылар.
