Спас интернат-йортында яшәүчеләр вакытны мавыктыргыч үткәрә
«Тату гаилә» дигән коллектив эшне Спас картлар һәм инвалидлар өчен интернат-йортының социаль хезмәт алучылары Ирина Меховникова һәм Татьяна Ловчева башкарды.
Социаль учреждениедә көн саен өлкәннәрнең иҗади сәләтләрен үстерүгә юнәлдерелгән дәресләр уза. Әйтик, Ирина Георгиевна һәм Татьяна Леонидовна пазллар белән мавыга. Алар кечкенә һәм зуррак сурәтләрне дә җыялар. Бу юлы интернат-йорт карамагындагылар 360 фрагменттан торган күләмле эшкә алынган.
Алты песи төшкән сурәтне җыю өчен дүрт көн вакыт кирәк булды. Әзер эшне картонга ябыштырып, рамкага кидереп куйдылар. Социаль хезмәт алучылар сүзләренә караганда, иң авыры чирәм – бер төстәге пазлларның күплеге өстендә эшләргә туры килгән.
«Мондый уен-башваткыч – баш мие өчен менә дигән тренировка. Ул хәтерне яхшырта, уйлап табучанлык сәләтен үстерә», – ди интернат-йорт тәрбиячесе Ирина Телицына.
