Зәйнең «Шатлык» үзәге каршындагы ата-аналар университеты үз эшен дәвам итә
Зәй районында «Шатлык» халыкка социаль хезмәт күрсәтү комплекслы үзәге базасында гаиләгә һәм балаларга социаль ярдәм бүлекчәсе белгечләре ата-аналар белән эшне дәвам итәләр. Ата-аналар университеты кысаларында психологик-педагогик ярдәм күрсәтелә, балаларны тәрбияләү, гаилә кыйммәтләрен һәм гореф-гадәтләрен формалаштыру мәсьәләләрендә ата-аналар компетенциясен арттыру буенча чаралар үткәрелә.
Шулай итеп, 27 май көнне социаль педагог «Сәламәт яшәү рәвеше гаиләдә формалаша» дигән темага гаилә консультациясе үткәрде. Очрашуның төп максаты: сәламәт гаилә – үзара аңлашу, мәхәббәт, хөрмәт һәм ярдәм булган гаилә икәнлеген ата-аналарга җиткерү иде. Балаларны һәм аларның ата-аналарын физик культура һәм спорт белән шөгыльләнүгә җәлеп итү, үзара ярдәм, җитезлек һәм чыдамлык хисен үстерүгә ярдәм итү бик мөһим.
Шулай ук ата-аналар университеты кысаларында бала ата-анасын, ә ата-аналар баласын яхшырак аңласын өчен нәрсә эшләргә кирәклеге турында дискуссия булды. Балигъ булмаган балага һәм аның әнисенә бер кагыйдәгә туры килә торган берничә проблемалы сюжет һәм ситуация тәкъдим ителде. Әти-әнинең бурычы – авыр хәлдән чыгарга ярдәм итү.
Гаиләгә һәм балаларга социаль ярдәм күрсәтү бүлеге белгече гаилә көче уртак эшләрдә һәм мәнфәгатьләрдә булуына басым ясады.