Лениногорск районының булачак әниләре белән ата-аналар мәхәббәтенең роле турында сөйләштеләр
19 май көнне хатын-кызлар консультациясе базасында Лениногорск «Исток–Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Анна Закирова булачак әниләр белән ата-аналар мәхәббәте турында әңгәмә үткәрде. Чара яңа туган баласын кабул итүгә шикләнүче хатын-кызларга социаль ярдәм күрсәтү буенча ведомствоара хезмәттәшлек кысаларында оештырылды.
Очрашуның максаты: булачак ата-аналарга балага һичшиксез мәхәббәт күрсәтү кирәклеген җиткерү, балалар – ата-ана мөнәсәбәтләренең эмоциональ роле турында күзаллауны киңәйтү. Чарада катнашучылар балага карата мәхәббәт төрләре турында фикер алыштылар, шулай ук ата-ана мәхәббәтенең чын чагылышы турында үз фикерләре белән уртаклаштылар. Булачак әниләр балаларны тәрбияләү өчен әзер шаблоннар һәм кагыйдәләр юк дигән нәтиҗәгә килделәр, әмма бәхетле балачак нигезе – балага карата кайгыртучанлык һәм мәхәббәт күрсәтү.