«Кояшкай» үзәге карамагындагы балалар һөнәрләр белән уен формасында танышалар

Бүген Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәге педагоглары һөнәри юнәлеш бирүче чара уздырганнар.

Үзәк карамагындагылар өчен алар кызыклы квест-уен әзерләделәр. Картаны алгач, балалар үзенчәлекле станцияләр буйлап юл тоттылар. Аларның һәркайсы нинди дә булса һөнәргә багышланган иде.

Оештыручылар билгеләп үткәнчә, һөнәри юнәлеш бирү эшендә социаль-көнкүреш юнәлешенең әһәмияте шунда: биредә тәрбияләнүчеләр билгеле бер белемнәр алалар һәм конкрет хезмәт объектларын булдыру процессында гамәли эшчәнлектә үз көчләрен сыныйлар, һөнәри кызыксынуларын һәм сәләтләрен үстерәләр.

Реабилитантлар квест-уенны уңышлы үттеләр һәм татлы бүләк алдылар.