Балык Бистәсе районында «Барлык кыйммәтләрнең таҗы – гаилә» проекты старт алды
Балык Бистәсе районында «Бердәм Россия» партиясенең җирле бүлекчәсе тормышка ашыра торган «Барлык кыйммәтләрнең таҗы – гаилә» проекты старт алды. Проект берьюлы берничә истәлекле датага багышланган: Идел буе Болгар дәүләтендә ислам динен кабул итүгә 1100 ел һәм Балык Бистәсе районы оешуга 95 ел.
Проектка Балык Бистәсе районы башлыгы Илдар Таҗетдинов, ТР Дәүләт Советы депутаты Дмитрий Самаренкин, муниципаль депутат Айрат Сафин, хәйрияче Мансур Хашимов һ.б. ярдәм итә.
Социаль яклау, мәгариф, мәдәният һәм спорт органнары тарафыннан бай программа әзерләнгән иде, анда Балык Бистәсе һәм күрше районнарның күп балалы гаиләләре катнашты.
Шулай итеп, проект 140 еллык тарихы булган реставрацияләнгән Олы Елга мәчетендә узган гаилә институтының рухи-әхлакый кыйммәтләргә багышланган семинардан башланып китте. Семинар барышында район тарихы турында авыл тарихы директоры Хәтимә Солтанова чыгыш ясады. Моннан тыш, семинар кысаларында тамбур белән чигелгән кулдан эшләнгән намазлык кебек уникаль экспонатларны күрергә мөмкин булган күргәзмә оештырылды.
Бер үк вакытта балалар сәнгать мәктәбе базасында мәдәни-агарту мәйданчыгы да эшләде, анда кунакларны кызыклы концерт номерлары белән сөендерделәр һәм браслетлар үрү, шамаилләр ясау, күннән брошкалар ясау буенча мастер-классларда катнашырга чакырдылар.
Җирле кафе мини фуд-корт оештырды, анда татар һәм рус кухнясының аппетит ризыклары тәкъдим ителде.