Менделеевскида балигъ булмаганнар һөнәрләр турында белемнәрен киңәйтә

2022 елның 13 мае, җомга

Бүген, 13 май көнне, Менделеевск «Өмет Яры» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре балигъ булмаган балалар өчен һөнәри юнәлеш бирүче экскурсия оештырдылар. Чарада биш бала катнашты.

Балалар иҗат үзәгендә булдылар, анда авиамодельләштерү түгәрәгендә катнаштылар. Түгәрәк җитәкчесе Олег Васильев кунакларны авиация барлыкка килү тарихы белән таныштырды, самолетларның гамәлдәге төрләре турында сөйләде һәм планер моделен әзерләү буенча мастер-класс үткәрде.

Экскурсиянең максаты – балигъ булмаганнарны һөнәри эшчәнлекнең иң катлаулы һәм үзенчәлекле төрләренең берсе – самолетларны модельләштерү белән таныштыру иде.