«Веста» үзәгендә «Туган кешеләр» клубы әгъзалары очрашуы узды
11 май көнне «Туган кешеләр» клубы эше кысаларында Түбән Каманың «Веста» гаиләгә һәм балаларга социаль ярдәм үзәге психологы Наталья Емельянова өлкәннәр белән дәрес үткәрде. Чараның максаты – гаилә эчендәге мөнәсәбәтләрне җайга салу.
Катнашучылар берничә күнегү үтәделәр, алар кешенең үзеннән-үзе генә түгел, ә мөнәсәбәтләр системасында булуын аңларга мөмкинлек бирде. Шулай ук дәрестә «Ата-аналар раунды» психологик уенын да уйнадылар, ул балалар-ата-аналар һәм гаилә мөнәсәбәтләрен оптимальләштерүгә юнәлдерелгән.
«Кызыклы-файдалы» йомгаклау түгәрәгендә катнашучыларның гаиләләрендәге үзара мөнәсәбәтләре һәрвакытта да аларның көтүләре нигезендә төзелми икәнлеге ачыкланды. Психологик уен аларны үз-үзләрен, якын кешеләр арасында үз урынын, максатларын һәм теләкләрен, үз-үзләрен һәм тирә-юньдәгеләрне яхшырак аңларга мәҗбүр итте.
Чара ахырында психолог барлык катнашучыларга «Мин гаилә белән» дигән белешмәлек таратты. Мәгълүмат социаль хезмәтләр алучыларга гармонияле һәм җитди мөнәсәбәтләр төзергә ярдәм итәчәк.