Минзәлә интернат-йортында яшәүчеләрне бәйрәм чаралары белән сөендерделәр
4 май көнне Минзәлә картлар һәм инвалидлар өчен интернат-йортында бәйрәм лозунглары һәм флаглары белән бизәлгән машинада район мәдәният сараеның фронт агитбригадасы булып китте. Агитбригадада катнашучылар яшәүчеләрне Бөек Җиңүнең 77 еллыгы белән котладылар һәм аларга үзләренең дәртле биюләрен һәм тематик җырларын бүләк иттеләр. Тыл хезмәтчәннәренә аерым игътибар бирелде. Тантаналы шартларда район башкарма комитеты җитәкчесенең социаль мәсьәләләр буенча урынбасары Нэля Бикеева аларны бәйрәм белән котлады һәм республика Президенты Рөстәм Миңнеханов һәм Минзәлә районы башлыгы Айдар Салахов исеменнән котлау открыткалары тапшырды.
5 май көнне интернат-йортта бәйрәм концерты булып узды. Аны балалар иҗат йорты белгечләре оештырды. Концертта учреждениедә тәрбияләнүчеләр, шәһәрнең урта мәктәпләре һәм гимназиясе укучылары, педагоглар катнашты. Сугыш еллары җырлары яңгырады, яшь артистлар шигырьләр сөйләделәр, биеделәр. Тыл хезмәтчәннәренә балалар ясаган открыткалар тапшырылды.
Бәйрәм концерты социаль хезмәт алучыларда уңай эмоцияләр уятты.
