Дөрес юлны сайлау
Лениногорск шәһәрендә яшәүче Светлана М. 2021 елда балигъ булмаганнар эшләре һәм аларның хокукларын яклау комиссиясе карары нигезендә, алкоголь эчемлекләрен куллану сәбәпле, ведомствоара учетка куелды. Учетка куелган вакытта хатын-кыз эшләмәгән һәм балигъ булмаган баласын тиешенчә тәрбияләмәгән.
Тернәкләндерү чаралары планы буенча «Исток – Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре даими рәвештә профилактик эш алып баралар, аңа педагогик һәм психологик ярдәм күрсәтелә. Хатын-кыз белән эшләү дәверендә уңай үзгәрешләр күзәтелде: ул алкогольле бәйлелектән дәваланды, эшкә урнашты, баланы тәрбияләүгә күбрәк игътибар бирә башлады. Хәзер гаиләдә уңай динамика күзәтелә, Светлана кызын тәрбияләү һәм укыту процессында актив катнаша: мәктәп белән хезмәттәшлек итә, ата-аналар җыелышларына даими йөри, баласының укуда уңышлары белән кызыксына.
Хәзерге вакытта Светлана гаиләсе учеттан төшерелде. Лениногорскида яшәүче хатын-кыз сәламәт яшәү рәвеше алып бара, кызын тәрбияли.