Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

«Астра»да бөтенроссия акциясе кысаларында экологик дәресләр үткәрелде

2022 елның 29 апреле, җомга

28 апрельдә Алабуга районының «Астра» мөмкинлекләре чикле балалар һәм яшүсмерләр өчен тернәкләндерү үзәгендә «Россия – территория «Эколят – молодых защитников Природы» Бөтенроссия акциясе кысаларында экологик дәресләр оештырылды. Чаралар табигатькә сак караш тәрбияләүгә юнәлтелгән иде.

Акция кысаларында тәрбиячеләр балаларны урманны һәм анда яшәүче җан ияләрен саклый торган уйдырма экогеройлар белән таныштырдылар. Шулай ук балалар рәсемнәре күргәзмәсе оештырылды. Үз эшләрендә балалар туган як табигатенең матурлыгын сурәтләделәр, планетадагы барлык тере җан ияләрен сакларга өндәделәр.

Дәреснең гамәли өлешендә тәрбиячеләр һәм үзәк карамагындагылар балалар мәйданчыгы территориясен көнкүреш чүп-чарыннан һәм коры яфраклардан чистарттылар.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

Министр Эльмира Зарипованың Әниләр көне белән котлавы

Менә инде чирек гасырдан артык ноябрьнең соңгы якшәмбесендә Россиядә Әниләр көне билгеләп үтелә. Бу бәйрәм хатын-кызның мактаулы хезмәтен данлый, ана булуның социаль әһәмиятен арттыра.

Түбән Каманың «Шәфкать» үзәгендә «Яңа офыклар» проектын гамәлгә ашыру тәмамланды

Түбән Кама районының «Шәфкать» халыкка социаль хезмәт күрсәтү комплекслы үзәгендә Авыр тормыш хәлендә калган балаларга ярдәм фонды гранты акчаларына «Өйдә микротернәкләндерү үзәге» социаль хезмәтен булдыру буенча «Яңа офыклар» проектын гамәлгә ашыру төгәлләнде.

Татарстан Республикасы ветераннары халыкара элемтәләрне ныгыта

Татарстан Республикасы белән Үзбәкстан Республикасының Бохара өлкәсе арасында хезмәттәшлек һәм Рөстәм Миңнехановның 2024 елның 26 июлендә Бохара өлкәсе хакиме Батыр Зарипов белән очрашуында ирешелгән килешүләр кысаларында, шулай ук тугандаш халыкларның ветеран оешмалары арасында хезмәттәшлек һәм Бөек Ватан сугышында Җиңүнең 80 еллыгын бәйрәм итү максатларында Татарстан Республикасы Хезмәт, халыкны эш белән тәэмин итү һәм социаль яклау министрлыгы ветераннарның Үзбәкстанга сәфәрен оештырды.

Министрлык карамагындагы учреждениеләрдә Әниләр көнен билгеләп үтәләр

Чаралар Татарстанның барлык халыкка социаль хезмәт күрсәтү учреждениеләрендә уза. Анда концертлар, кызыклы очрашулар, ярдәм акцияләре, мастер-класслар, балалар һәм әниләрнең уртак дәресләре, уен программалары һәм башкалар үткәрелә.

ЯҢАЛЫКЛАРГА ЯЗЫЛУ