Минзәләдә инвалид балалар тәрбияләүче гаиләләр өчен чара узган
27 нче апрель көнне Минзәлә районы халыкка социаль хезмәт күрсәтү комплекслы үзәге һәм «Җиңү» киноучреждениесе белгечләре «Без сайлаган юллар» дигән чара уздырганнар. Дәрес мөмкинлекләре чикле балалар булган гаиләләргә социаль ярдәм күрсәтүгә, гаиләдә уңай психоэмоциональ климат булдыруга юнәлдерелгән.
Чара башында психолог Гөлназ Илдарханова фикерләүнең вариативлыгын стимуллаштыру максатыннан уен оештырды. Гаилә белән эшләү белгече Алена Филаретова «Традиция» дигән хикәя укыды, ул клубта катнашучыларның туганнарын һәм якыннарын берләштерә торган игелекле традицияләрне саклау турында күзаллауларын тирәнәйтергә ярдәм итте. Шуннан соң режиссер Алексей Барыкинның «Гаилә мәшәкатьләре» милләтара гаилә проблемалары турында тулы метражлы комедия фильмы күрсәтелде. Аннан соң катнашучылар фильмның сюжеты турында фикер алыштылар, үз фикерләре һәм әлеге проблемага карашлары белән уртаклаштылар.
Дәрес мөмкинлекләре чикле балалар тәрбияләүче ата-аналар клубының «Күңел чаткысы» программасын тормышка ашыру кысаларында оештырылды.