«Астра»да тәрбияләнүчеләрне флорариумнар ясарга өйрәттеләр
Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә социаль-көнкүреш хезмәте буенча белгеч Наталья Митягина көн саен төрле юнәлешләр буенча коррекция-үсеш дәресләре үткәрә.
Шушы көннәрдә гарденотерапия кабинетында белгеч флорариум булдыру буенча мастер-класс үткәрде. Педагог флорариумны ничек карарга, нинди үсемлекләр суккулент дип атала, шуның турында сөйләде, балаларны ландшафт дизайнеры, флорист, бакчачы, гарденотерапевтлар кебек һөнәрләр белән таныштырды.
Үсемлекләр белән эшләү әйләнә-тирәлек турында күзаллауны киңәйтеп кенә калмый, ә бүлмәне бизәүдә үсемлекләрне куллану күнекмәләрен дә үстерә. Үсемлекләрне карап, балалар бик күп уңай эмоцияләр алалар. Белгеч билгеләп үткәнчә, нәкъ менә шушы момент тернәкләндерүдә аеруча мөһим.