«Әни+бәби» клубының нәни катнашучылары зарядканың нәрсә икәнен белделәр
«Әни+бәби» клубы эше кысаларында Түбән Каманың «Веста» гаиләгә һәм балаларга социаль ярдәм үзәге социаль педагогы Әлфия Байкова һәм «Колезей» фитнес-клубы тренеры Анна Бычкова өч яшькә кадәрге балалар белән төркемле дәрес үткәрделәр. Чараның максаты – балаларның сәламәтлеген ныгыту, хәрәкәт күнекмәләрен һәм осталыкларын үстерү, әйләнә-тирәлекне киңәйтү, ата-аналарга балаларны тәрбияләүдә һәм алар белән үзара хезмәттәшлек итүдә ярдәм күрсәтү.
Тренер балалар һәм ата-аналар өчен уртак спорт күнегүләре һәм уеннар турында сөйләде, төрле күнегүләр өчен инвентарьны ничек дөрес кулланырга кирәклеген күрсәтте. Аннан соң катнашучылар спорт җиһазлары белән бик теләп шөгыльләнделәр, йомшак батутларда күңелле һәм тату уйнадылар. Шулай ук балалар белән әниләр сөйләм, игътибарлык, җитезлек, тизлек һәм хәрәкәтләрне координацияләүгә юнәлдерелгән мавыктыргыч уеннарда катнаштылар.
Дәрес ахырында әниләр тренердан баланы тәрбияләү, укыту һәм физик яктан үстерү буенча кызыксындырган сорауларга җаваплар алдылар.