Быел «Өмет утравы» үзәгендә 25 өлкән яшьтәге гражданга социаль хезмәт күрсәтү оештырылды
«Өлкән буын» федераль проектын тормышка ашыру кысаларында Югары Осланның «Өмет утравы» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе белгечләре 80 яшьлек һәм аннан өлкәнрәк яшьтәге ялгыз һәм ялгыз яшәүче өлкән яшьтәге гражданнарны өйләренә барып карыйлар. Мондый чаралар яшь һәм (яки) сәламәтлеге торышы аркасында төп тормыш ихтыяҗларын мөстәкыйль рәвештә тәэмин итә алмаган һәм даими чит кеше ярдәменә мохтаҗ булган гражданнарны ачыкларга ярдәм итә. Мондый кешеләрне билгеләргә шулай ук сораштырулар, гражданнарның мөрәҗәгатьләре, ведомствоара хезмәттәшлек мөмкинлеге бирә.
Өйдә социаль хезмәт күрсәтүләргә мохтаҗ өлкәннәрне ачыклау очрагында белгечләр тарафыннан типизация үткәрелә, социаль хезмәт күрсәтүгә кеше кабул итү өчен кирәкле барлык документлар рәсмиләштерелә, социаль хезмәткәр билгеләнә.
Агымдагы елның 1 кварталында социаль хезмәт күрсәтүгә мохтаҗ 25 граждан ачыкланды. Үткәрелгән эш нәтиҗәсендә алар барысы да өйдә социаль хезмәт күрсәтүгә кабул ителде.
Өлкән яшьтәге гражданнарны социаль хезмәт күрсәтүгә кабул итү шартлары һәм хезмәтләр исемлеге белән таныштырдылар, шулай ук аларга документлар җыюда ярдәм күрсәтелде. Моннан тыш, белгечләр янгын куркынычсызлыгы һәм җинаятьчелек очракларын профилактикалау буенча инструктаж үткәрделәр, гражданнарга ашыгыч хезмәт телефоннары язылган буклетлар тапшырдылар.