«Веста» социаль ярдәм үзәгендә балаларга хезмәт күнекмәләрен өйрәтәләр
Татарстан Республикасында социаль ярдәмгә мохтаҗ балалары булган гаиләләргә социаль ярдәм күрсәтүнең нәтиҗәле практикаларын үстерү буенча чаралар комплексын тормышка ашыру кысаларында «Бакчачылык» юнәлеше буенча хезмәт реабилитациясе кабинетында Түбән Каманың «Веста» гаиләгә һәм балаларга социаль ярдәм үзәге белгече Ирина Кожевникова «Үсенте утырту» дигән дәрес үткәрде. Чараның максаты – үсемлекләрне утырту ысуллары турында белемнәрне ачыклау һәм гомумиләштерү, бакчачылыкка карата кызыксынуны үстерү, ата-аналар белән бергә эшләүдән шатлык алу иде.
Дәрес теориядән башланды: белгеч үсентеләрне утыртуның төп алымнары турында кыскача сөйләде. Катнашучылар белән бергә үсеш өчен нинди шартлар кирәклеген һәм аларны ничек булдырырга кирәклеген искә төшерделәр. Аннан соң балалар үзләре җирне тартмаларга сибеп, петуния үсентеләрен күчереп карадылар.
Дәрес нәтиҗәле узды – ата-аналар һәм балалар актив эшләделәр. Дәрес барышында үсентеләрне күчереп утырта белү генә түгел, пөхтәлек, күзәтүчәнлек, фикерләү, җаваплылык та үсеш алды.
Дәрестә социаль хезмәт күрсәтүдә торучы 5 балигъ булмаган бала һәм 4 ата-ана катнашты.