«Астра»да тәрбияләнүчеләр һәм аларның әниләре катнашында чара узды

2022 елның 29 марты, сишәмбе

Россия халыкларының халык сәнгате һәм матди булмаган мәдәни мирас елы кысаларында 28 мартта Алабуга мөмкинлекләре чикле балалар һәм яшүсмерләр өчен «Астра» тернәкләндерү үзәгендә тәрбияләнүчеләрнең ата-аналары өчен «Аулак өй» милли татар чарасы уздырдылар.

Балалар һәм ата-аналар әлеге традициянең килеп чыгышы тарихын зур кызыксыну белән тыңладылар. Һәр катнашучы такмаклар, халык җырларын җырлау, борынгы предметларның исемнәрен әйтү һәм «Күңелле самовар» спектаклен театральләштерүдә үз сәләтләрен күрсәтте. Моннан тыш, реабилитантларның әниләре өчен көндезге макияж ясау буенча мастер-класс үткәрелде, анда алар визаж сәнгате нигезләрен өйрәнделәр.

Чара җылы, дустанә атмосферада узды һәм чәй эчү белән тәмамланды.