Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәге карамагындагылар әйләнә-тирәлекне саклау эшенә кулдан килгәнчә өлеш кертергә телиләр. Алар «Җир Сәгате» Бөтендөнья акциясендә катнаштылар.
Акция кысаларында җәмәгатьчелек игътибарын табигатькә һәм планетаның ресурсларына җәлеп итү максатыннан балалар матур листовкалар тараттылар һәм шәһәр халкы белән бу мәсьәлә буенча үз белемнәре белән уртаклаштылар.
Мондый акцияләр, тернәкләндерү үзәге белгечләре сүзләренә караганда, балаларны әйләнә-тирә дөнья турында кайгыртырга һәм яхшылык эшләргә өйрәтәләр.