Өйләрне йөреп чыгу социаль хезмәт күрсәтүгә мохтаҗ өлкәннәрне ачыкларга мөмкинлек бирә
Буа муниципаль районында ялгыз һәм ялгыз яшәүче 80 яшьлек һәм аннан да өлкәнрәк гражданнарны өйләренә барып карау дәвам итә. Өйләрне йөреп чыгу максаты – яшь һәм (яки) сәламәтлек торышы аркасында төп тормыш ихтыяҗларын мөстәкыйль рәвештә тәэмин итә алмый торган өлкән яшьтәге гражданнарны ачыклау, шулай ук өлкәннәр белән янгын-профилактик эш алып бару һәм ашыгыч хезмәтләрнең телефоннары турында мәгълүмат бирү.
Агымдагы елның 1 кварталында «Гармония» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе белгечләре 375 пенсионер белән өйдә социаль хезмәт күрсәтү рәвешендә өлкән яшьтәге гражданнарның мохтаҗлыгы булу яки булмавын ачыклау буенча эш алып барганнар. Башкарылган эш нәтиҗәсендә 80 яшьтән өлкән булган 13 граждан өйгә барып социаль хезмәт күрсәтүгә кабул ителде. Өлкән яшьтәге гражданнар социаль хезмәт күрсәтү буенча хезмәтләр исемлеге һәм аның шартлары белән таныштылар, шулай ук барысына да документлар җыюда ярдәм күрсәтелде.
Барлык өлкәннәр белән янгын куркынычсызлыгы һәм җинаятьчелек очракларын профилактикалау буенча инструктаж үткәрелде, ашыгыч хезмәт телефоннары язылган буклетлар тапшырылды.
Өлкән яшьтәге гражданнарның өйләренә барып карау дәвам итәчәк.