«Ышаныч» үзәгендә әдәби кичләр социаль технологиясен гамәлгә ашыралар
«Әдәби кичләр» социаль технологиясе кысаларында Яр Чаллы шәһәренең «Ышаныч» халыкка социаль хезмәт күрсәтү комплекслы үзәге тарафыннан социаль хезмәтләр алучы Юрий Ивановичның өендә чара уздырылган. Очрашу үзәк шәһәр китапханәсе хезмәткәрләре белән берлектә оештырылды.
Очрашу күңелле шартларда узды. «Кырым: рус идеясеннән рус хыялына!» дигән китапханә фондларын кулланып гамәлгә ашырыла торган социаль технология бүгенге көндә бик кызыклы һәм актуаль. Китапханәнең тәҗрибәле хезмәткәре Нина Павловна зур тарихи вакыйгага китергән кечкенә вакыйгалар чылбырының иң якты фактларын яктыртты. Ярымутрауның Россия Федерациясенең бер өлешенә әйләнүе турында Юрий Иванович үзе дә бик күп белә иде, шуңа күрә ул тыңлаучы да булды, кызыклы әңгәмә дә корды.
Мондый очрашулар өлкән кешенең тормышын тагын да баетырга, аралашу дефицитын тулыландырырга, ихтыяҗларны һәм мәнфәгатьләрне канәгатьләндерергә мөмкинлек бирә. «Кызыклы кешеләр белән танышу, күңелле аралашу – бу кечкенә шатлык һәркемгә, бигрәк тә өлкән буынга ачык булырга тиеш», – диләр оештыручылар.