«Абилимпикс» чемпионаты турында актуаль мәгълүматны ведомство сайтының махсус бүлегендә алырга мөмкин
Татарстан Республикасы Хезмәт, халыкны эш белән тәэмин итү һәм социаль яклау министрлыгының рәсми сайтында «һөнәри компетенцияләрне үстерү үзәге» АКБО белән берлектә «Татарстан Республикасында инклюзив белем бирү, Абилимпикс» дигән өстәмә мәгълүмат урнаштырылган.
Профориентация буенча дәүләт хезмәтен алу өчен, реабилитация яки абилитация буенча индивидуаль программада тәкъдим ителгән һөнәри юнәлеш бирүче чараларны исәпкә алып, гражданнар мәшгульлек хезмәте органнарына мөрәҗәгать итә алалар.
Шунысын да билгеләп үтәргә кирәк, һөнәрләрнең киң исемлеге (һөнәрләр тасвирламалары) Россия Федерациясе Хезмәт һәм социаль яклау министрлыгы сайтында, шулай ук «Россиядә эш» федераль дәүләт мәгълүмат системасында «һөнәрләр белешмәсе» ачык мәгълүмати-белешмә ресурсында бар (trudvsem.ru).
Мәгълүмат өчен: Россия Мәгариф һәм фән министрлыгының инвалидлык һәм сәламәтлек мөмкинлекләре чикләнгән укучыларның һөнәри ориентлашуын әзерләү һәм оештыру буенча 2016 елның 2 февралендәге ВК-163/07 номерлы методик рекомендацияләренә ярашлы рәвештә, махсус ихтыяҗлары булган укучылар белән эшләгәндә һөнәрнең формулаларын төзү Россия Хезмәт министрлыгының «Тормыш эшчәнлегенең бозылган функцияләрен һәм чикләүләрен исәпкә алып, инвалидларның хезмәт һәм һөнәри эшчәнлегенең тәкъдим ителә торган төрләре исемлеге буенча методик рекомендацияләрне раслау турында» 04.08.2014 ел, № 515 боерыгыннан чыгып гамәлгә ашырыла (боерыкка 1 нче кушымтада инвалидларның тормыш эшчәнлегендәге бозылган функцияләрне һәм чикләүләрне исәпкә алып, хезмәт һәм һөнәри эшчәнлегенең тәкъдим ителә торган төрләре исемлеге; 2 нче кушымтада –тормыш эшчәнлеге чикләүләре, бозылган функцияләрне исәпкә алып, инвалидларга тәкъдим ителә торган һөнәрләр һәм вазыйфалар исемлеге тәкъдим ителде).