«Исток-Башлангыч» үзәгендә ата-аналар белән интернетта куркынычлар турында сөйләштеләр
Кичә Лениногорск муниципаль районында «Исток-Башлангыч» халыкка социаль хезмәт күрсәтү комплекслы үзәге социаль педагогы Гөлнара Пряничникова «Социаль челтәрләрдә куркыныч төркемнәр. Нәрсәгә игътибар итәргә кирәк» дигән дәрес үткәрде.
Чараның максаты – социаль хезмәтләр алучыларны куркыныч интернет-берләшмәләрдә очрашырга мөмкин булган потенциаль куркыныч янаулар белән таныштыру.
Очрашу барышында катнашучылар «Үлем төркемнәре» турында видеоролик карадылар һәм интернетта балаларны нинди куркынычлар сагалый: социаль челтәрләрдә тискәре контентының үтемлелеге, акча таләп итү, көчләү һәм экстремизмны пропагандалау, суицидка тарту һ.б. турында фикер алыштылар.
Ахырда ата-аналарга балалар белән бергә интернеттан файдалану вакытын төгәл билгеләргә тәкъдим ителде.