Теләче районының социаль өлкә белгечләре спартакиадада катнаштылар

2022 елның 10 марты, пәнҗешәмбе

Ел саен Теләче муниципаль районында спартакиада үткәрелә. Быел спартакиада Халыкара хатын-кызлар көне алдыннан узды. Спартакиада программасына чаңгы ярышлары, чаңгыда экстремаль ярышлар, аркан тарту, кул көрәше, мас-рестлинг, шахмат һәм башка спорт төрләре керде.

Теләче районы социаль яклау бүлеге командасы спорт ярышларында актив катнашып, хатын-кызлар арасында мас-рестлинг, хатын-кызлар арасында кул көрәше һәм экстремаль чаңгы ярышларында призлы урыннар яулады.

Җиңүчеләргә дипломнар һәм истәлекле бүләкләр тапшырылды.